- Холбоо барих утас : +976-9999-9517; +976-8811-7888; +976-9999-5249
- Цахим шуудан : sales@monpellets.com
Үйлдвэрийн айлчлал – 2025 оны 8-р сарын 20
2025 оны 8-р сарын 20-нд манай үйлдвэрт FAO, IUCN, WWF, WOCAT, CAMP Alatoo байгууллагын төлөөлөгчид болон Монгол, Казахстан, Киргиз улсын төлөөлөгчдийг хүлээн авлаа. Энэхүү айлчлал нь орон нутгийн үйлдвэр хэрхэн малчдын хоршоо, хамтын ажиллагаатай уялдан ажиллаж, залуу малчдын оролцоо, эмэгтэйчүүдийн хүртээмж, ханган нийлүүлэлтийн үр ашигтай ажиллагааг дэмжиж болдгийг харуулах үнэт боломж байлаа.
Айлчлалын үеэр бид өөрсдийн шинэлэг бүтээгдэхүүн болох Monpellets ноосон бордоог танилцуулж, дараах зүйлсийг үзүүлэв:
Зөвхөн нэг минутанд хонийг цахилгаан машинаар хяргах дадлагыг харуулж, сургалтын үр ашгийг батлав.
Ноос ангилан ялгах, шахах аргачлал нь чанарыг сайжруулж, зардлыг бууруулдгийг танилцууллаа.
Хяргасны дараах ариутгал, малын эрүүл мэндийн менежмент-ийг үзүүлэв.
Малчдаас газар дээр нь ноос худалдаж авах үйл ажиллагаа нь малчдын орлого, тогтвортой амьжиргааг хангаж буйг харуулав.
Хэлэлцүүлгийн үеэр мөн дэлхийн тэргүүлэх хөдөө аж ахуйн орон болох Шинэ Зеландын туршлага зэрэг олон улсын мэдлэг, арга туршлагыг Монголын хөдөө аж ахуйн хөгжилд нэгтгэхийн чухлыг онцоллоо.
Энэхүү харилцан туршлага солилцоо нь бидний хамтын алсын харааг баталгаажууллаа. Тэр нь: малчид, нийгэм, байгаль орчинд ээлтэй, ногоон, тогтвортой, хүртээмжтэй ирээдүйг хамтдаа бүтээх явдал юм.